സ്വര്‍ണം പവന് 17,240 രൂപ

കൊച്ചി: സ്വര്‍ണവിലയില്‍ കുതിപ്പ് തുടരുന്നു. പവന് 120 രൂപ ഉയര്‍ന്ന് 17,240 രൂപയിലെത്തി പുതിയ റെക്കോഡിട്ടു. ഗ്രാമിന് 15 രൂപ വര്‍ധിച്ച് 2155 രൂപയായി. വ്യാഴാഴ്ചയാണ് പവന്‍വില ചരിത്രത്തില്‍ ആദ്യമായി 17,000 രൂപ ഭേദിച്ചത്. അന്ന് വില 17,120 രൂപയായി. വെള്ളിയാഴ്ചയും ഈ വില തുടര്‍ന്നു.
അന്താരാഷ്ട്ര വിപണിയുടെ ചുവടുപിടിച്ചാണ് ഇവിടെയും വില കുതിച്ചുയര്‍ന്നത്. ന്യൂയോര്‍ക്ക് വിപണിയില്‍ വില ട്രോയ് ഔണ്‍സിന് (31.1 ഗ്രാം) 7.10 ഡോളര്‍ ഉയര്‍ന്ന് 1,594.10 ഡോളറിലെത്തി റെക്കോഡിട്ടു. കഴിഞ്ഞ ഒമ്പത് വ്യാപാര ദിനങ്ങള്‍ കൊണ്ട് 108 ഡോളറാണ് കുതിച്ചുയര്‍ന്നത്.